| 作 者 |
內容 |
|
|
Ivy Wong
登記日期: May 28, 2008
發表數目: 11
離線
|
大家好!第一次發表,因為好唔開心,想搵人開解下..雖然係長左d,但希望各位可以耐性睇下去,分享下比d意見.多謝!
我同我老公結婚一年多少少,有一個11個月大既仔仔,只從結完婚後就有好多問題發生,首先是住屋問題,佢要我同老爺奶奶一齊住,又要我晚晚返去食飯,但在經濟方面大家亦可應付在外面租屋,其實之前大家亦講好搬出去,後來因為我有左bb,所以就暫住,待找到屋才搬.因為他的媽媽不想自已個仔離開自已,我們己經為這個問題嘈過,他亦向我動過粗,但奈何因為結婚只有兩星期加上我有左bb所以冇走,但到最後我地都搬左出來,而租金及水電煤我老公說我負責租金而佢負責水電煤,而佢既籍口是說因為我要搬出來住,所以我要承擔,然後我真的好嬲同佢又嘈,後來租金每人一半,但佢每月是沒有給我家用,之前我要求過但佢冇比,後來我都冇再要求了,因為唔想嘈.
到我有左大約八至九個月左右,因為我想係私家醫院開刀生,我亦知道要大約4-5萬左右,但我亦冇諗過生仔費用要佢一個人獨力承擔,但佢有一日同我講"老婆,你無須擔心,錢方面我應付得來"聽完當然好開心,有些安慰,但我亦冇完全諗過唔出錢,點知到生之前兩日佢問我要錢,話我要係私家生,佢冇錢..我當時好嬲,但後未我也有拿錢出來.
而坐月期間我唔想他的媽媽太辛苦,因為他的媽媽已經六十幾歲了,所以我請了陪月員,但費用也是自已出的...而我住屋跟老爺奶奶只是隔條街,佢地會每日過來睇bb,但我奶奶是個喜歡說自已仔女不是的人,而我份人就不喜歡聽事非,因此有一次我忍無可忍下跟我老公說"你可否跟你媽媽說我想休息,可否跟她說不要上來說那麼多?"忽然他很惡,一手捉住我的頸然後用粗口鬧我,又說要掉個仔落街..當時我只係哭.
我平時沒有把這情況跟我媽媽說的,後來我終於忍不住跟她說了(因為他不是第一次這樣待我),然後我媽媽叫我離開,我便帶仔仔一起返娘家,然後大家又為給誰湊bb而嘈,佢想我給奶奶湊,但我考慮到她的年紀,家居環境(奶奶家很不清潔的),湊仔的方式,而我媽媽也要上班(part time)的, 因此我提出請工人,後來佢又要我自已負責費用,他說奶奶湊佢只需付出$3000包奶粉尿片包埋我地食飯,但我因為唔想同佢又嘈後來我又遷就他給奶奶湊(因為他家庭非常重男輕女,因此奶奶時常想湊男孫,因為佢好要面子的)但沒多久佢話係我媽媽不想湊才給奶奶湊,又說我當奶奶是工人(有時我只是要求老公跟奶奶說按專家的方式及建議較好,有那個媽媽不緊張自已兒女)..我很嬲,然後我決定叫我媽媽唔做野幫我湊bb,因為此終給自已人湊會放心一點,後來我媽媽亦同意,我就每星期五湊返來給奶奶和老爺睇下個孫啦..點知我老公同奶奶要日日見過孫至叫有感情,再加上我老公奶粉尿片乜都唔出,原因係我比我媽媽湊,個仔病亦冇睇下個仔,因為佢話點解要上屋企睇自已個仔..講到呢度,呢一年真的很辛苦,佢成日話我女強人,乜都要我話事,試問我唔做野邊個頂住個家呢?我亦很辛苦的...
|
|
|
 |
|
|
kelly kwok
登記日期: May 28, 2008
發表數目: 1
離線
|
我覺得你老公有幾樣野唔岩..
第一:你之前話o係私家生,你老公話ok,但到生o個陣又話冇錢,咁佢即係講大話啦.
第二:我覺得無論點都好,佢都唔應該出手傷害你,佢平時有冇打你,定係淨係o個次呀?
第三:我覺得你老公好冇責任心,樣樣野都分到咁足,個bb唔係佢ga?
佢好似覺得唔關佢事咁..
就呢幾樣野,,我覺得你老公so bad,你自己都要儲返個錢..
唔好比佢知你有幾錢,有都話冇啦..一陣有咩事起上黎,佢分分鐘可能厚住面皮問你拎錢tim呀!
同埋我想問,你收入係咪多過佢ga?
|
|
|
|
|
|
Ivy Wong
登記日期: May 28, 2008
發表數目: 11
離線
|
好多謝你細心睇我所寫的.
我係寫字樓做的,每個月大約萬幾,而佢就係做裝修的,自已接job做的,但佢從來冇向我提過每個月平均收入有多少,只係成日話冇錢,但佢就成日計住我d錢仲有結完婚d金器,又成日話我結完婚後大把錢,仲要話我計較...同埋佢動粗已經試過好幾次了...
我地都見過社工,但佢仍然覺得佢自已好負責任,冇問題...
其實我真係好努力去維繫呢個家,原本唔識煮飯既我,去學習,但奈何佢唔單止唔欣賞,仲話我煮飯浪費煤氣費,日日返奶奶度食飯.
錢,我亦冇計較,自已應付到都比,而湊仔,我都係第一次做媽媽,冇乜經驗,但我也要學,有時候想佢幫下手,佢可以話唔得閒..
|
|
|
|
|
|
qb
登記日期: May 27, 2008
發表數目: 29
離線
|
"結婚只有兩星期加上我有左bb所以冇走,但到最後我地都搬左出來,而租金及水電煤我老公說我負責租金而佢負責水電煤,而佢既籍口是說因為我要搬出來住,所以我要承擔,然後我真的好嬲同佢又嘈,後來租金每人一半,但佢每月是沒有給我家用,之前我要求過但佢冇比,後來我都冇再要求了,因為唔想嘈."
從以上事件睇, 如我是你一定不要個b(忍心d), 根本你老公好似唔係好愛你, 幫亞媽多過幫你, 頭一,兩年就咁樣, 往後日子點過, 長痛不如短痛, 我係你早就走了, 唔好意思, 可能你覺得我好衰, 但漫長日子如何???
|
|
|
|
|
|
haomami
登記日期: Nov 12, 2007
發表數目: 228
離線
|
你點會嫁給這樣的男人噶，一點責任感都沒有，最受不了他竟然還打自己的老婆，如果是我，一早就把他給OUT了。
好好看清楚你老公的為人了：
如果真的不是好男人，我勸你早點離開他。
如果你老公不錯，那就可能是你那方面的錯了，要好好檢討一下自己。
|
|
|
|
|
|
Ivy Wong
登記日期: May 28, 2008
發表數目: 11
離線
|
其實我已經同仔仔搬返媽媽度已經有兩個月了,現在正考慮點做..
離婚定點?之前佢亦試過打電話來用粗口鬧我的父母,很過份,此終他們是我的父母和他的長輩,所以現在我的父母也很生氣,他又說我爸爸冇仔生,恨仔就比個仔佢,簡直不是一個人說的話...
而他的家庭也很復雜,他跟哥哥及家姐反面,他竟然放火燒了哥哥的車,還要我講大話他當晚訓我隔離,其實我知道後,我覺得他很可怕,點解自已老公會做出此冇腦加犯法行為,而奶奶仍然幫他講說話來指責他的哥哥,那是甚麼教育?做錯事還可以不認...
之前我亦同佢傾過他的問題,但他永遠只有話人錯,反過來仲叫我唔好理,其實我只不過是不想他一錯再錯,要知道佢已得罪好多人,為何要這樣對待自已最親的家人?況且佢當個仔好似禮物的來奉誠奶奶,原因是為了拿首期買樓,有時覺得個仔好可憐,有這樣的爸爸,
|
|
|
|
|
|
haomami
登記日期: Nov 12, 2007
發表數目: 228
離線
|
吾知點同你講，但從你所說的事當中，知你的老公真的不是一個好男人，希望你可以感化他，讓他成為一個好老公及好爸爸
|
|
|
|
|
|
Ivy Wong
登記日期: May 28, 2008
發表數目: 11
離線
|
佢係一個好固執加自私的大男人,其實我好多朋友叫我離開佢,但我下不了決定,因為我地係有左才結婚,現在仔仔就快一歲了,我當然想比個完整既家庭仔仔,但奈何我點都諗唔到結婚後會搞成咁,我當然期望佢改變,但到現在為止佢仍然覺得自已冇問題,仲話我湊住個仔冇男人要的..現在佢時常打來煩擾,又話佢會去搞離婚,但又要我出來見他,不過好多謝你的回應
|
|
|
|
|
|
yauyau
登記日期: Feb 17, 2008
發表數目: 7
離線
|
我以前都係過來人,其他死症都唔計凈係對老婆動粗已經不能原諒,有d男人對女人(覺得佢哋係弱者,又好蝦)有暴力狂,如果你覺得可以忍受,事情只會越來越差,所以要出手做d嘢la!
決絕d同佢講分開一段時間,睇下佢有無改過,不過呢個方法通常只會令你更失望,因為十個男人九個都認為自己無問題,又無錯又点會改丫!睇你自己1a,我忍受了五年,宜家過緊開心生活,父母一齊唔開心,BB係唔會開心嫁......!
|
|
|
|
|
|
haomami
登記日期: Nov 12, 2007
發表數目: 228
離線
|
Ivy Wong 最近點啊？大家都好擔心你啊。希望你同你BB沒事，開開心心甘生活！
|
|
|
|
|
|
|
